Categories
Govt Failures News

ఓయూలో మందకృష్ణ మాదిగ నిర్భంధ వ్యతిరేక పోరాట కమిటీ ఏర్పాటు

సామాజిక ఉద్యమాల‌ పితామహుడు, MRPS జాతీయ అధ్యక్షులు మందకృష్ణ మాదిగ గారిని అక్రమంగా అరెస్టు చేసి జైలులో నిర్భందించడం‌ కేసీఆర్ నిరంకుశ విధానాలకు నిదర్శనమని ఓయూలోని విద్యార్థి సంఘాలు తీవ్రంగా ఖండించాయి. ఈ రోజు ఓయూలోని న్యూ సెమినార్ హాల్లో 30 విద్యార్థి సంఘాలు సమావేశమయ్యాయి. మందకృష్ణ మాదిగ గారి తక్షణ విడుదల కోసం ఈ సంఘాలన్నీ *మందకృష్ణ మాదిగ నిర్భంధ వ్యతిరేక కమిటీ*గా ఏర్పడ్డాయి. తర్వాత మీడియా సమావేశంలో కార్యచరణను ప్రకటించారు.

*కమిటీ సభ్యులు*

✍ కో ఆర్డినేటర్లు – కోట రాజేష్, డేవిడ్, పల్లెర్ల సుధాకర్.

✍ కన్వీనర్లు – ఆశప్ప (OUJAC), సలీంపాష (TVUV), సాంబమూర్తి (SFI), గ్యార నరేష్ (AISF), దర్శన్ (DBSA).

*కార్యాచరణ*

👉 జనవరి 22 న.

సోమాజికగూడ ప్రెస్ క్లబ్ లో రాజకీయ పార్టీలు, ప్రజా సంఘాలు, మేధావులు, విద్యార్థి సంఘాలతో *రౌండ్ టేబుల్ సమావేశం*.

👉 జనవరి 23 న.

ఓయూలోని అన్నీ హాస్టల్లో *కరప్రతాలతో ప్రచారం*.

👉 జనవరి 24 న.

ఆర్ట్స్ కాలేజీ ముందు ఒక *నిరాహార రోజు దీక్ష*.

👉 జనవరి 26 న.

రిపబ్లిక్ డే సందర్భంగా అంబేద్కర్ విగ్రహాల ముందు *సంకేళ్లతో నిరసన ప్రదర్శన*.

👉 జనవరి 27 నుండి ఫిబ్రవరి 3 వరకు అన్నీ యూనివర్శిటీల్లో, జిల్లాలో నిర్భందాలకు వ్యతిరేకంగా *సదస్సులు*.

👉 ఫిబ్రవరి 4 న.

*ఛలో‌ ఉస్మానియా* పేరుతో ఓయూ ఆర్ట్స్ కాలేజీ ముందు భారీ బహిరంగ సభ.

—- *మందకృష్ణ మాదిగ నిర్భంధ వ్యతిరేక కమిటీ*

Categories
News Political Curruption

అసలేం జరుగుతుంది తెలంగాణ లో…..? // సీనియర్ రాజకీయ నాయకుని విశ్లేషణ

తెలంగాణ లో అసలు ప్రతిపక్ష పాత్ర ఎవరిది ?
ప్రజలకు వాస్తవాలు చెప్పాల్సిన వాళ్ళు ఎవరు ?

కెసిఆర్ కు ప్రధాన శత్రువు ఎవరు ?
కెసిఆర్ కాంగ్రెస్ పార్టీ కి, బీజేపీ , తెలుగుదేశం పార్టీలకు భయపడటం లేదా ?
కెసిఆర్ పత్రికలను జనం నమ్మడం లేదా ?
అందుకే ఆంధ్రజ్యోతి , ఈనాడు ను నమ్ముకున్నాడా ?
సోషల్ మీడియానే ప్రధాన పాత్ర పోషించబోతుందా…. ?

ఆగ మేఘాల మీద కాళేశ్వరం పంప్ హౌస్ పనులు ఎందుకు జరుగుతున్నాయి ?
కెసిఆర్ ఫ్యామిలీ చెప్పేటి లెక్కలన్నీ ధోఖా భాజ్ లెక్కలేనా ?
మూడేండ్లలో కెసిఆర్ ఫ్యామిలీ సంపాదించినా ఆస్తులెన్ని ?
భగీరథ మీద చేసిన అప్పులో కొంత డబల్ బెడ్ రూమ్ ల కోసం , మూడెకరాల భూమి కోసం ఎందుకు చేయడం లేదు …

ఉద్యోగాల భర్తీ లో కావాలనే తాత్సారం చేస్తున్నారా ?
మూడున్నర యేండ్లు గడిచిన తొందరేముంది అని ktr ఎందుకంటుండు ?

10 టీవీ ని కూడా దారిలోకి తెచ్చుకోబోతున్నారా ?
సిపిఎం, సిపిఐ పార్టీలకు తెరాస తో ఉన్న పంచాయతీ ఏంది ?

I & PR ను నడిపిస్తున్నదెవరు ? పత్రికలను ఎలా మేనేజ్ చేస్తున్నారు ?
పత్రికా ప్రకటనల్లో కమిషన్ తీసుకుంటున్నదెవరు ?
టీన్యూస్ నుండి స్పెషల్ స్టోరీలు ఏ పత్రికలకు, ఏ చానెల్స్ కి వెళ్తున్నాయి ?

ఒక సీనియర్ రాజకీయ వేత్త విశ్లేషణ కు చెందిన Spirit of Telangana
ఎక్సక్లూసివ్ ఆడియో టేప్

Categories
KCR Flip-Flops News

కేసీఆర్ కాళ్ల బేరం కోసం వీస్తున్న పవనాలు జ్ఞానం లేని “అజ్ఞాతవాసి” కోసమేనా ?

విషయ పరిజ్ఞానం లేని పవన్ కల్యాణ్ లాగానే అభిమానులం అని చెప్పుక తిరిగే వాళ్ళు అయినా విషయం పైన పరిజ్ఞానం, జ్ఞాన సముపార్జన పెంచుకోండి, పవన్ కల్యాణ్ గారికి చెప్పండి.
వ్యక్తిగతంగా పవన్ సినిమాలు అంటే మాకు ఇష్టమే కేసీఆర్ లా వాడెవడో నాకు తెల్వదు, ఒక్క చిటికేస్తే గింతంత పవన్ కళ్యాణ్ 1000 ముక్కలు ఆయుతాడు అని మేము అనడం లేదు.
ఇక్కడ ప్రభుత్వం కోట్ల రూపాయలు పెట్టి పేపర్ లలో ఆడ్స్ వేసింది చూసి ఎలా ఇస్తున్నారో తెలుసుకుందాం అని ప్రగతి భవన్ కి వచ్చి, ఇది TRS గనతే అని పవన్ KCR కి వత్తాసు పలకడం చూస్తుంటే పూర్తిగా విషయ పరిజ్ఞానం లేని అజ్ఞాని లా పవన్ కళ్యాణ్ కనిపిస్తున్నాడు.

KCR Pawan

పేపర్ లలో ఉద్యోగాలు లేక నిరుద్యోగుల ఆత్మహత్యలు, గిట్టుబాటు ధర లేక రైతుల ఆత్మహత్యలు, దళితులపై దాడులు పవన్ కి కనిపించడం లేదా…… ?
వీటిపైన కేసీఆర్ ని ఎందుకు నిలదీయ లేదు….?
పోనీ కనీసం బాధితులను అయినా కలిశాడా….?

ఇక తెలంగాణాలో పవర్  విషయానికి వస్తే గత 3 సంవత్సరాలుగా ఎన్ని పవర్ ప్లాంట్స్ TRS హయాంలో నిర్మించారు, కేసీఆర్ ఎప్పుడు చెప్పే భద్రాద్రి, యాదాద్రి పవర్ ప్లాంట్స్ నిర్మాణం పూర్తి అయిందా….?
ఇప్పుడు ఒక్క తెలంగాణ నే కాదు దేశం మొత్తం 24 గంటల విద్యుత్తు దిశగా అడుగులు వేస్తుంది, చాలా రాష్ట్రాల్లో 24 గంటలు విద్యుత్తు ఇస్తున్నారు. ఇదంతా గత ప్రభుత్వాల కృషి, ప్రస్తుత కేంద్ర ప్రభుత్వ పట్టుదల. తెలంగాణ ప్రభుత్వం కొన్ని పవర్ కంపెనీల నుండి కమిషన్ లకు కక్కుర్తిపడి అధిక ధరలకు కొంటుంది అని ప్రతిపక్షాల ఆరోపణలు కూడా ఉన్నాయి.
తెలంగాణ జేఏసీ పవర్ గూర్చి ఏం చెబుతుందో చూద్దాం. ఈ క్రింది ఆర్టికల్స్ చదువండి.

వ్యవసాయ రంగానికి 24 గంటల విద్యుత్తు ప్రచారాలు – వాస్తవాలు

నిరంతర విద్యుత్తు-ప్రచారాలు – వాస్తవాలు

ఇదంతా చూస్తుంటే పవన్ కళ్యాణ్ మీటింగ్ ఏదో ఇచ్చి పుచ్చుకునే ధోరణిలో జరిగిందని చాలా స్పష్టంగా కనిపిస్తుంది. అది కత్తి మహేష్ చెప్పినట్టు అజ్ఞాత వాసి సినిమా టిక్కెట్లు అమ్ముకొనికేనా…..?

కెసిఆర్ తాట తీస్తా అన్నోడు అజ్ఞాతవాసి సినిమా కోసం మరీ ఇంత కాళ్ళ బేరానికి పోతాడా పవన్…?
తెలంగాణ సబ్బండ వర్ణాల ఉద్యమం ఉవ్వెత్తున ఎగిసిపడుతున్నప్పుడే కెమెరామెన్ గంగతో రాంబాబు సినిమా లో కల్వకుంట్ల అయ్యా కొడుకులు చేస్తున్న కుట్రలను బట్టలిప్పి చూపించాడు. ఆ సినిమా లో చూపించి నట్టే ఇప్పుడు ఉద్యమాన్ని అయ్యకొడుకులు తమ స్వార్థం కోసం వాడుకుతున్నారు.
మరి ఇప్పుడు పవన్ దేని కోసం కేసీఆర్ అసత్యాలకు వత్తాసు పలుకుతుండు, కొంతమంది రాజకీయ విశ్లేషకులు చెబుతున్నట్టు కేసీఆర్ ఉచ్చులో పడి పవన్ రాజకీయంగా బలియైనడా…..?

తెలంగాణ వస్తే 11 రోజులు ఉపవాసం ఉన్న పవన్ కళ్యాణ్ ను ఓటు బ్యాంకు(సెటిలర్స్) రాజకీయల కోసం కెసిఆర్ వాడుకుంటుండా ?

కేసీఆర్ చేసిన సర్వే ప్రకారం కొన్ని నియోజకవర్గాలలో 10 వేల లోపు ఓట్లతో TRS ఓడిపోయే దగ్గర పవన్ కళ్యాణ్ మద్దతు ఉంటే గెలిచే అవకాశం ఉంటదని పవన్ మద్దతు కోరుతున్నాడని మరికొంత మంది వాదన. 

ఇంకా కొంతమంది పార్టీ ఆఫీస్ కోసం స్థలం కేటాయించుకోవడం కోసం కూడా అయిఉంటుందని అంచనా వేస్తున్నారు. 

Categories
Govt Failures News

ఇండియన్ సైన్స్ కాంగ్రెస్ సదస్సు వాయిదా కి కారణాలేంటి…..? ప్రభుత్వ చేతగాని తనమా…?

విద్యార్థులు అడుగుతున్న ప్రశ్నలకు సమాధానం చెప్పలేని ప్రభుత్వాలు… సైన్స్ కాంగ్రెస్ ను రద్దు చేసుకున్నాయి.

1. రాష్ట్ర ప్రభుత్వం ఇచ్చిన లక్ష ఉద్యోగాల హామీ            ఏమయ్యింది.

2. కేంద్ర ప్రభుత్వం ఇస్తామన్న 3 కోట్ల ఉద్యోగాల హామీ గుర్తుందా..

3. సైన్సు ను పాటించకుండా, మూఢనమ్మకాలతో పాలించే పాలకులకు… అసలు సమావేశాలను ప్రారంభించే నైతిక అర్హత లేదు.

4. విద్యార్థుల భాగస్వామ్యం లేకుండా… సైన్స్ కాంగ్రెస్ ను ఎలా నిర్వహించాలనుకున్నారు.

5. పరిశోధనలకు ల్యాబ్ లు కెటాయించని యూనివర్సిటీ అధికారులు… సైన్స్ ను ఎలా ప్రోత్సాహిస్తారు.

6. పరిశోధనా విద్యార్థులకు ఫెలోషిప్ లు ఇవ్వకుండా… ఉన్నవాటిని తీసివేస్తే… పరిశోధనలు ఎలా సాగుతాయి.

పోరాటాల గడ్డ ఉస్మానియా యూనివర్శిటీ మరోసారి పాలకులకు గట్టి షాక్ ఇచ్చింది. నాడు తెలంగాణ ఉద్యమంలో సీమాంధ్ర పాలకులకు ముచ్చెమటలు పట్టించిన ఉస్మానియా యూనివర్శిటీ నేడు తెలంగాణ పాలకులకు సైతం అందే రీతిలో చుక్కలు చూపిస్తున్నది. తాజాగా ఉస్మానియా విద్యార్థులు తెలంగాణ సర్కారుకు భారీ షాక్ ఇచ్చారు. ఆ వివరాలు కింద చదవండి.

తెలంగాణ ప్రభుత్వానికి ఇప్పటి వరకు కోర్టుల నుంచి సర్కారుకు షాక్ తగిలే పరిస్థితులు ఉండేవి. కానీ ఈసారి కోర్టు షాక్ కాదు.. సైన్స్ కాంగ్రెస్ రూపంలో ఉస్మానియా విద్యార్థులు ఇచ్చారు. వందేళ్ల సైన్స్ కాంగ్రెస్ చరిత్రలో తొలిసారి ఈ తరహా షాక్ ను కేవలం తెలంగాణ సర్కారుకే తగిలిందంటే కారణం ఉస్మానియా విద్యార్థుల ఆక్రందనలే కారణంగా చెప్పవచ్చు.
Indian Science Congress

హైదరాబాద్ లోని ఉస్మానియాలో ప్రతిష్టాత్మకంగా నిర్వహించ తలపెట్టిన 105వ ఇండియన్ సైన్స్ కాంగ్రెస్ సదస్సు అనూహ్యంగా వాయిదా పడింది. ఉస్మానియా యూనివర్శిటీలో ఈ కార్యక్రమాన్ని అంగరంగ వైభవంగా చేపట్టేందుకు సర్కారు ఎప్పటినుంచో ఏర్పాట్లలో మునిగిపోయింది. ఈ సదస్సుకు దేశం నలుమూలల నుంచి ప్రపంచ వ్యాప్తంగా సుమారు 20 వేల మంది సైంటిస్టులు వస్తారని, వారందరికీ మంచి భోజనం అద్భుతమైన వసతి ఉండేలా చర్యలు తీసుకోవాలని సర్కారు యుద్ధ ప్రాతిపదికన ఏర్పాట్లలో మునిగిపోయింది. ఉస్మానియా విద్యార్థులకు నెలరోజులపాటు సెలవులు ఇచ్చి బయటకు పంపేందుకు కసరత్తు కూడా చేసింది. కొందరు విద్యార్థులు పోటీ పరీక్షలకు ప్రిపేర్ అవుతున్నా కూడా బలవంతంగా గెంటేస్తామని హెచ్చరించింది. అయితే ఈ సదస్సు వాయిదా వేస్తున్నట్లు సైన్స్ కాంగ్రెస్ ప్రకటించడం హాట్ టాపిక్ అయింది. ఉస్మానియాలో జనవరి 3 నుంచి 7వ తేదీ వరకు జరగనున్న సదస్సును వాయిదా వేస్తున్నట్లు సైన్స్ కాంగ్రెస్ తన వెబ్ సైట్ లో సమాచారం పోస్టు చేసింది.

యూనివర్శిటీలో నెలకొన్న ఉద్రిక్త పరిస్థితుల నేపథ్యంలోనే సదస్సు వాయిదా వేస్తున్నట్టు పేర్కొంది. యూనివర్శిటీలో తెలంగాణ సర్కారుపై విద్యార్థులు రగిలిపోతున్నారని, ఈ పరిస్థితుల్లో సదస్సు జరిగితే అనూహ్య పరిణామాలు చోటు చేసుకునే ప్రమాదం ఉందని సర్కారు భావించింది. అందుకే ఓయూ వైస్ ఛాన్సెలర్ చేత ప్రస్తుత పరిస్థితుల్లో ఇక్కడ సదస్సును నిర్వహించడం కష్టమని నివేదిక ఇప్పించిచారని తెలిపింది. ప్రధాని మోదీ కూడా ఈ సదస్సుకు ముఖ్య అతిథిగా హాజరుకావాల్సి ఉంది. ఈ నేపథ్యంలో, శాంతి భద్రతలకు సంబంధించిన ఇంటెలిజెన్స్ రిపోర్టు సైన్స్ కాంగ్రెస్ వర్గాలను కలవరపాటుకు గురిచేసింది. దీంతో  సదస్సును వాయిదా వేశారు. 11 ఏళ్ల తర్వాత సైన్స్ కాంగ్రెస్ హైదాబాద్ లో జరగాల్సి ఉంది. గత వందేళ్లలో సైన్స్ కాంగ్రెస్ వాయిదా పడటం ఇదే తొలిసారి. గత ఏడాది ఈ సదస్సు ఏపీలోని ఎస్వీ యూనివర్శిటీలో నిర్వహించారు.

ఇటీవలే మురళి అనే విద్యార్థి ఓయూలో ఆత్మహత్యకు పాల్పడ్డాడు. దీంతో, అక్కడ భారీ ఎత్తున నిరసన కార్యక్రమాలు చోటు చేసుకున్నాయి. మరోవైపు, నాన్ టీచింగ్ స్టాఫ్ నిరవధిక దీక్షలు చేస్తున్నారు. ఇంకొకవైపు లంబాడాలు-ఆదివాసీల మధ్య గొడవలు జరుగుతున్నాయి. ఉద్యోగ నోటిపికేషన్ల కోసం యువత పెద్ద ఎత్తున ఉస్మానియా కేంద్రంగా ఆందోళనలు చేస్తున్నారు. మరోవైపు ఎమ్మార్పీఎస్ కూడా ప్రభుత్వానికి వ్యతిరేకంగా కార్యక్రమాలు చేపడుతోంది. వీటికి సంబంధించిన విద్యార్థులు యూనివర్శిటీలో ఏ క్షణంలోనైనా ఆందోళన చేసే ప్రమాదముందని గుర్తించి వాయిదా నిర్ణయం తీసుకున్నారు.

తెలంగాణలో ఉద్యోగాల జాతర సాగి తామందిరికీ కొలువులొస్తాయని నిరుద్యోగుల ఆశలు అడియాశలయ్యాయి. దీంతో నిరుద్యోగులు గత మూడేళ్లుగా ఆందోళనలు చేస్తున్నారు. ముఖ్యంగా ఉస్మానియాలో పోరాటాలు తీవ్రంగా ఉన్నాయి. గతంలో జరిగిన వందేళ్ల ఉస్మానియా వేడుకల్లో విద్యార్థులు ఆగ్రహావేశాలు ఎంతగా ఉన్నాయో సర్కారు స్వయంగా చవిచూసింది. దీంతో ఆ వేడుకల్లో పాల్గొన్న ముఖ్యమంత్రి కేసిఆర్ మాట్లాడకుండానే వెనుదిరిగిన పరిస్థితి ఉంది. విద్యార్థుల వ్యతిరేకత కారణంగానే కేసిఆర్ మాట్లాడకుండా ఉస్మానియా నుంచి వెనుదిరిగినట్లు చెబుతున్నారు.  అప్పట్లో నిరుద్యోగుల్లో ఇంత ఆగ్రహం లేదు. కొందరికి సర్కారు జాబ్ నోటిఫికేషన్లు ఇస్తుందేమోనన్న ఆశ ఉంది. అందుకే ఆ సమయంలో విద్యార్థుల ఆందోళనను సర్కారు కంట్రోల్ చేయగలిగింది. కానీ ఇప్పుడు విద్యార్థులు తీవ్ర ఆగ్రహంతో ఉన్నారు. కాబట్టి మరింత ఇబ్బందికర వాతావరణం ఏర్పడుతుందన్న భయంతోనే విసి చేతులెత్తేశారని తెలుస్తోంది. ఒకవేళ సదస్సు జరిగి తీరా విద్యార్థులు ఆందోళన చేస్తే… ప్రపంచం ముందు తెలంగాణ సర్కారు అవమానాలపాలవుతుందన్న అంచనాతోనే ఈ నిర్ణయం తీసుకున్నట్లు చెబుతున్నారు.

మొత్తానికి ప్రపంచ తెలుగు మహాసభలు, ప్రపంచ పారిశ్రామికవేత్తల సదస్సును విజయవతంగా చేపట్టి కీర్తి ప్రతిష్టలు తెచ్చుకున్న తెలంగాణ సర్కారుకు సైన్స్ కాంగ్రెస్ జరపలేకపోయారన్న అపవాదు మూటకట్టుకుంది. సైన్స్ కాంగ్రెస్ జరిగే వేళ ఏదైనా గొడవలు జరిగితే తెలంగాణ యూనివర్శిటీల్లో ఉన్న అశాంతి భారతదేశానికే కాకుండా సరిహద్దులు దాటుతుంది… అందుకే ఈ నిర్ణయం…

Categories
Govt Failures Jobs/TSPSC News Victim Voice

OU లో MSc విద్యార్థి మురళి ఆత్మహత్య


ఓయూలో విద్యార్ధి ఆత్మహత్య కలకలం రేపింది. మానేరు హాస్టల్‌ సమీపంలో మురళి అనే ఎమ్మెస్సీ మొదటి సంవత్సరం విద్యార్ధి ఆత్మహత్య ఉరివేసుకుని ఆత్మహత్య చేసుకున్నాడు. మురళీ మెదక్ జిల్లాకు చెందిన వ్యక్తిగా గుర్తించారు. విద్యార్ధి మృతదేహం గాంధీ ఆస్పత్రికి తరలించారు.

Watch video here

*ఓయూలో MSc physics 1st year విద్యార్థి మురళి ఆత్మహత్య.ఉద్యోగాల నోటిఫికేషన్లు రావటం లేదని మనస్తాపం తో మానేరు హాస్టల్ బాత్రూమ్ లో ఉరేసుకుని ఆత్మహత్య చేసుకున్న మురళి*.

*సిద్దిపేట్ జిల్లా జైదేవ్ పూర్ మండలం దౌలాపూర్ గ్రామం,బిసి డి ముదిరాజ్ సామాజికవర్గం*

*సుసైడ్ నోట్ మాయం పోలీసుల పై విద్యార్థుల అనుమానం?*

*50లక్షల నష్టపరిహారం ప్రభుత్వం ప్రకటించాకే మృతదేహాన్ని మానేరు హాస్టల్‌ నుండి పోస్టుమార్టమ్ తరలించాలని నిరుద్యోగ జెఏసి ఛైర్మన్ కోటూరి మానవతా రాయ్ డిమాండ్*

*సిఎం కెసిఆర్ ప్రాతినిధ్యం వహిస్తున్న గజ్వేల్ నియోజకవర్గం కి చెందిన ఓయూ విద్యార్థి మురళి ఆత్మహత్య చేసుకోవడం కెసిఆర్ ప్రభుత్వానికి సిగ్గుచేటు*

*సిఎం కెసిఆర్ కి మురళి ఆత్మహత్య తోనైనా కనివిప్పు కలగాలి*

*రాష్ట్రంలో నిరుద్యోగులు ఆత్మహత్యల బాట పట్టకముందే ఖాళీగ ఉన్న 2లక్షల ఉద్యోగాలకు నోటిఫికేషన్ ఒకే సారి విడుదలచేయాలి. నిరుద్యోగ జెఏసి ఛైర్మన్ కోటూరి మానవతారాయ్*

విద్యార్థి మృతికి గల కారణాలు తెలియాల్సి ఉంది. ఇప్పటికి వరకు సైలెంట్‌గా ఉన్న ఉస్మానియా విశ్వవిద్యాలయం విద్యార్థి ఆత్మహత్యతో ఉద్రిక్తత చోటుచేసుకుంది. సోమవారం మహబూబ్‌నగర్‌లో తెలంగాణ పొలిటికల్ జేఏసీ చైర్మన్ ప్రొఫెసర్ కోదండరాం ఆధ్యర్యంలో నిర్వహిస్తున్న ‘కొలువుల కొట్లాల సభ’ నేపథ్యంలో విద్యార్థి ఆత్మహత్య సంచలనంగా మారింది.

Categories
Govt Failures Jobs/TSPSC News

బీఈడీ సర్టిఫికేట్ అమ్మకానికి పెట్టిన నిరుద్యోగి

ఇది నా బీఈడీ సర్టిఫికేట్.. అమ్ముతాను..ఎవరైనా కావాలంటే చెప్పండి ఇస్తా.. మీరిచ్చిన డబ్బు సీఎం రిలీఫ్ ఫండ్ కి donate చేస్తా …తెలంగాణ ప్రభుత్వం దీనితో నాకు ఏమి ఉపయోగం లేకుండా చేసింది..మా అమ్మ నన్ను ఎంతో కష్టపడి చదివించింది..నేను బీఈడీ చదివే రోజుల్లో నాకు ఫీజు రీయింబర్స్ కూడా రాలేదు..మంచి ర్యాంక్ తో సొంత డబ్బులతో ఫీజు కట్టి చదువుకున్నా పంతులు ఉద్యోగం కొలువు చేద్దామని..మంచిగ పూర్తి చేసిన..ఇక పంతులు కొలువు ఎప్పుడెప్పుడు సాధిద్దామా అని ఎదురుచూసిన..అప్పుడు టెట్ అని ఇంకో మెలిక పెట్టిర్రు..దాంట్లో 60%మార్కులు రావలంట..సరే అదికూడా చదివిన 72% మార్కులు తెచ్చుకున్న..2012 dsc రాసిన 72 మార్కులు వచ్చినాయి..ఉద్యోగం రాలే..అప్పుడు తెలంగాణ ఉద్యమం జరుగుతుంది..ఉమ్మడి Ap ప్రభుత్వం మరో Dsc నోటిఫికేషన్ కి సిద్ధపడింది..మా తెలంగాణ లో మేమేసుకుంటం అని ఉద్యమంలో పోరాడి ప్రత్యేక రాష్ట్రం తెచ్చుకున్నం.. ఎప్పుడెప్పుడు dsc నోటిఫికేషన్ వస్తుందా అని ఎదురు చూసినం…మూడేళ్లకు కానీ మన ప్రభుత్వానికి మూడు రాకపాయే..సరే ఇప్పుడు వచ్చింది.మన ప్రభుత్వంలో పంతులు కొలువుకోసం చదువుతున్న. కానీ మన ప్రభుత్వం డిగ్రీ లో 50% మార్కులు ఉంటేనే exam రాయాలని మెలిక పెట్టింది. నేనెప్పుడో 2008 లో డిగ్రీ పూర్తి చేసిన..నాకు 48.25% మార్కులు వచ్చాయి..అప్పుడే బీఈడీ కి అర్హత లేదంటే వేరేది చదువుకొనే వాడిని.. బీఈడీ చేసి 2 సార్లు టెట్ రాసి, ఒకసారి dsc రాస్తే…ఇప్పుడు నేను అర్హుడిని కాదంట.. ఇదెంత వరకు న్యాయమో మీరే చెప్పండి..36% మార్కులు వచ్చిన వాడు కలెక్టర్ అవ్వచ్చు..గ్రూప్ 1 & 2 ఎంప్లాయీస్ అవ్వచ్చు.. పోస్ట్ గ్రాడ్యుయేట్ అయిన నాకు అర్హత లేదంటారా.మరి పక్కనున్న Ap dsc lo అందరికీ అవకాశం ఇచ్చింది.. నాకు PG లో 75% మార్కులున్నయి..నేను అర్హుడుని కాదా..కనీసం ప్రైవేట్ టీచర్ గా కూడా పనికిరానని మన ప్రభుత్వం certifie చేసింది నన్ను…అలాంటప్పుడు ఎందుకు నాకీ మెమో.. ప్లీజ్ ఎవరైనా కొనండి నా మెమో..నా మీద జాలి తో అయిన…ఆ డబ్బు కచ్చితంగా సీఎం రిలీఫ్ ఫండ్ కి ఇస్తా…నేను ఇప్పటికీ రెండు PG లు చేసా…ఆ మెమోలు కావాలన్న ఇస్తా…ఎవ్వరూ కొనకపోతే కోదండరాం సార్ సమక్షంలో యూనివర్సిటీ వారికి రిటర్న్ చేస్తా…నేను ఎవ్వరి మీద కోపంతో ఈ మాటలు చెప్పట్లేదు…ఒక నిరుద్యోగిగా…నా బాధ చెప్పుకున్నా…

Categories
News Political Curruption

మరో వివాదంలో TRS MLA ముత్తిరెడ్డి

మేడ్చల్ జిల్లా మేడిపల్లి మండలం చెంగిచర్ల గ్రామంలో ఉన్న సర్వే నం.51 లో ఉన్న 22 గుంటల భూమిని జనగాం ఎమ్మెల్యే ముత్తిరెడ్డి యాదగిరి రెడ్డి కబ్జా చేశారు అంటూ గోగికర్ సంతోష్ కుటుంబ సభ్యులతో ధర్నా ముఖ్యమంత్రి కేసీఆర్ ఆదుకోవాలని కుటుంబ సభ్యుల ఆవేదన

.

Categories
KCR Flip-Flops News

తెల్శినోనికి తెల్కపిండి తెల్వనోనికి గానుగపిండి అన్నట్టుంటయి మన కేసీఆర్ ముచ్చట్లు

మా ఊళ్లే ఓ తాతకు కోళ్లఫారం ఉంది. ప్రతి దసరా పండక్కి ఓ కోళ్ల బ్యాచ్ ఒచ్చేటట్లు కోడిపిల్లల్ని ఏసేటోడు. ఊరంతా దసరా పండగ రోజు గాన్నే కోళ్లు కొనుక్కునేటోళ్లు. ఓ ఏడు తాత గ్యాసారం బాగాలేక దసరా పండగ 2 రోజుల ముందు గట్టిగా వాన పడి కోళ్లఫారం సగం కూలిపోయింది. దానివల్ల సగం కోళ్లు సచ్చిపోయినై. దసరా నాడు కోళ్లు కొందామని పోతే నూరుకు అమ్మాల్సిన కోడి ₹200 అన్నాడు. గదేంది తాత ₹100 నే కదా ₹200 అమ్ముతున్నావంటే ప్రతి దసరాకి 1000 కోళ్ల దాకా అమ్మేటోన్ని కని నా దగ్గర 500 ఉన్నాయి అందుకే ఇప్పుడు ₹200 ఒకటి అమ్ముతున్నా అన్నాడు. ఎం చేస్తాం ముసలోనికి నష్టం వచ్చింది, గట్లే గిరాకీ కూడా పెరిగిందని ఆయన చెప్పిన ధరకి కోళ్లను కొనక్కపోయారు ఊరంతా….

ఇప్పుడు గదంతా ఎందుకు చెప్తున్నా అనే కదా మీ సందేహం. గదే చెప్తున్నా

అమెరికాల హర్రీకెన్లు 2-3 సార్లోచ్చి పత్తి అధికంగా పండే ప్రాంతాలన్నీ నీళ్ల కొట్టుకపోయినై. మనదగ్గర కూడా అదేదో #అడ్డమైన #గులాభిరంగు_పురుగు సోకి, కల్తీ విత్తనాల వల్ల దిగుబడి చాలా తగ్గిపోయింది. గిసొంటి సమయం ల పత్తి ధర అంతర్జాతీయ మార్కెట్లో పెరగాలి కదా.మార్కెట్లో కావాల్సినంత లేకపోతే ఆటోమేటిక్ గా ధరలు పెరుగుతాయి. అది కొన్ని 100ల ఏండ్లనుండి జరుగుతున్న వాస్తవం.

కానీ మన ముఖ్యమంత్రి సారేమో అమెరికాల హర్రీకెన్లు ఒచ్చినయ్ కాబట్టి మనదగ్గర పత్తికి మద్దతు ధర లేదు అంటాడు ..

ఏందో ఈ మహానుభావుల మాటలు ఎవ్వరికీ అర్థం కావు😂😂😂

దొర, పత్తికి కేంద్ర ప్రభుత్వం ప్రకటించిన కనీస మద్దతు ధర క్వింటాల్ కి ₹4320, ప్రభుత్వం ఇంకా 50% కల్పి మొత్తం క్వింటాకి ₹6500 ఇస్తామని చెప్పారు. కని మన #గులాభి మార్కెట్ కమిటీ చైర్మన్లు అటు అధికారులు, ఇటు దళారులతో కుమ్మక్కై క్వింటాకీ ₹1500-₹4000 కంటే ఎక్కువ ఇస్తలేరు. ఈ ఘోరాలను తట్టుకోలేక, కడుపు మండి మార్కెట్ యార్డ్ లో జరంత లొల్లి చేస్తే వాళ్ళ ఆవేదనని సాటి రైతుగా అర్థం చెస్కోని దళారుల ఆగడాలు అరిక్కట్టాల్సింది పోయి పోయినేడు సిగ్గులేకుండా బేడిలేసి ఆ రైతుల మీద రౌడీ షీట్లు కూడా ఓపెన్ చేస్తామని బెదిరింపులకు దిగితిరి. ఏ మార్కెట్లో చూడు అదే గొడవ.ఇయ్యాల కూడా గద్వాల్ మార్కెట్లో అందరూ కుమ్మక్కై పల్లి రైతులకు సగం ధర కూడా ఇవ్వకుంటే వాళ్ళు మార్కెట్ యార్డ్ మీద దాడి చేసిర్రు.నీకు అలవాటే కదా వాళ్ళమీద కూడా ఏదో దేశద్రోహం కేసువెట్టి లోపల నూకు. రైతు మార్కెట్లో ఉన్నప్పుడు మార్కెట్ కష్టాలు పట్టించుకోక 24 గంటలు కరెంటు ఇస్తున్నాం మాది రైతు ప్రభుత్వం అని అన్నీ బజార్లో వదిలేసి చెప్పవడ్తిరి…

గతంలో ఇంత బాధ్యతారాహిత్యాన్ని ఏ ప్రభుత్వం లో చూళ్ళేదు😣😣😣😐😐😐

అమెరికా లో హర్రీకెన్లు అక్కడి పంటకు నష్టం కలిగించడం వల్ల అంతర్జాతీయ పత్తి వ్యాపారులు భారతదేశం వైపు చూస్తున్నారని #REUTERS అనే సంస్థ రాసిన కథనం మీ కోసం.

Categories
News Polical Saga

కె టి ఆర్ ఇజ్జత్ తీసిన వాస్తవాలు

కొలువుల కొట్లాట సభకు కోదండరాం పెర్మిషన్ అడగలేదు

Categories
News

కొత్త పార్టీ కోసం సిద్దమవుతున్న కోదండరాం